خوست کې ۷ تنه وسله وال نیول شوي
د خوست امنيتي چارواکي، چي د افغان او ايتلافي ځواكونو په ګډو عملياتو كې اوه مشكوك وسلوال طالبان نيول شوي دي.
د خوست د لومړي نمبر لوا د اركان رييس جنرال ظهير وردګ ازادي راډيو ته وويل، دغه مشكوك وسله وال يې د صبريو په ولسوالۍ كې په داسې حال كې نيولي، چې يوه اندازه سپكې وسلې او چاوديدونكي توكي هم ورسره وو.
چارواكي وايي، چې د عملياتو پر مهال ملكي وكړو او امنيتي ځواكونو ته كوم زيان نه دى اوښتى.
تر دې مخكې هم په همدې ولسوالۍ كې نهه تنه مشكوك وسله وال نيول شوي وو.