د پکتیا اوسېدونکو د بیړنیو مرستو غوښتنه کړې
د پكتيا ولايت د بيلابيلو ولسواليو اوسيدونكو د سختې واورې د وريدو له كبله د بيړنيو مرستو غوښتنه كړې.
له سمې نه د ازادي راډيو خبريال وايي، چې د پكتيا ولايت له مركز سره د سيد كرم او احمد اباد د ولسواليو لارې د ډېر واورو د ورېدو له امله تړل شوي او په سيمه كې ساري ناروغۍ هم خپرې شوي دي.
دوى وايي كه چيرې دغه ولسواليو ته بيړنۍ مرستې ونه رسيږي نو يوشمير ښځې او ماشومان به د مرګ تر كومي ورسيږي.
په دې اړه مو غوښتل چې د ځايي چارواكو نظر هم واخلو خو بريالي نه شو.