امریکا د تیبتیانو مشر ته د ډموکراسۍ د تعهد جایزه ورکړه
امریکا د چین له مخالفت او خپګان سره سره، د تیبت روحاني مشر دلايلاما ته د ډموکراسۍ د تعهد جایزه ورکړه.
د پنجشنبې په ورځ د امریکا جمهور رییس بارک اوباما په سپینې ماڼۍ کې له نوموړي سره وکتل او د جمعې په ورځ د امریکا د ډموکراسۍ د ملي اعطا مرکز ورته جایزه ورکړه.
دا مرکز چې د امریکا کانګرس یې مالي ملاتړ کوي، دلای لاما یې وستایه چې په جلا وطنۍ کې د یوه ډموکراټیک حکومت د جوړېدو ملاتړ کوي او وایي، که تبیتیان وغواړي، دی به د خپل روحاني مقام څخه چې له څو پیړیو راهیسي یې ټینګ کړی، هم تیر شي.
دلای لاما، چې په ۱۹۵۹ میلادی کال کې له تیبیت څخه تښتیدلی او په هند کی ژوند کوي، د امریکا او هند ډموکراسۍ یي ستایلي او وایي د چین د ډیکتاتورۍ سیستم دوام نکوي. ده دا هم ویلی چی پیکنګ د چین د قوت لپاره ښه کارونه هم کړي دي.