په نورستان کې دوه انجینیران تښتول شوي
په نورستان کې دوه انجنیران برمته شوې دي. د نورستان والي جمال الدین بدر ازادۍ راډيو ته وویل، چې دا کسان د یوه افغان ساختماني شرکت دي چې په خپل سر د دواب ولسوالۍ سنګ پل سیمې ته تللي و او هلته تښتول شوې دي.
د نورستان د والي په وینا حکومت او سمه ایز مشران هڅه کوي چې دغه کسان له یرغمل کوونکو وژغوري.
تراوسه د دغو انجنیرانو په اړه څه نه دې ویل شوې چې دوي له کوم شرکت سره کار کاوه او د کومې سیمې دي.