واشنګتن وایي، چې نوریې ایران ته زغم پای ته رسیدونکی دی
امريکا يوځل بيا ايران ته خبردارى ورکړ، چې د لانجمن اټومي پروګرام په برخه کې يې وخت او صبر په تمامېدو دى.
د سپينې ماڼۍ وياند رابرټ ګېبس د ايران له لوري د يورانيمو د غني کولو د پروګرام په تړاو د امريکا خبردارى بيا تازه کړ او ويې ويل که ايران دغه پروګرام ونه دروي، له نورو عواقبو سره به مخامخ شي.
تهران د سې شنبې په ورځ د اټومي انرژۍ نړېوالې ادارې ته يو ليک وسپاره، چې دې ادارې ته د اټومي سونګ موادو د تبادلې په برخه کې د ايران لومړنى رسمي ځواب دى. په دې ليک کې ايران ويلي دي، چې غوښتل يې د اټومي ري اکټور لپاره تېل رانيسي او په دې هدف په ټيټه کچه غني شوي يورانيم ذخيره کړي، چې وروسته د سونګ لپاره ورڅخه استفاده وکړي.
غربي قدرتونو ويلي دي، دغه ډول يو تجارت بايد له ايرانه دباندې وشي.