په هلمند، پکتیا او پروان کې ماینونه کشف شوي
د افغانستان د كورنيو چارو وزارت وايي، چې پوليسو په هلمند، پكتيا او پروان ولايتونو كې يولس ماينونه كشف او شنډ كړي دي.
د كورنيو چارو وزارت په يوې اعلاميې كې همدا راز ويلي دي، چې پوليسو تېره ورځ د خوست په مندوزېو او د كاپيسا په نجراب ولسوالۍ كې هم د ميزايل پنځه ويشت مرمۍ كشف او شنډې كړې.
اعلاميه زياتوي، پوليسو د كابل په نړيوال هوايي ډګر كې يو نيپالى او يو فيليپينى له دوو افعان ملګرو سره يې د جعلكاري په تور نيولي دي، همدا راز د كابل د پنځمې حوزې په مربوطاتو كې يې شپږ نفره د غلا په تور نيولي دي.