د ترکيې صدراعظم د امريکا پر ولسي جرګې انتقاد وکړ
د ترکيې صدراعظم رجب طيب اردغان وايي د امريکا د ولسي جرګې په يوه کمېټه کې د يوه پرېکړه ليک صادرېدل به د ترکيې او امريکا ترمنځ اړيکې خرابې کړي.
د دې پرېکړه ليک له مخې ترکيه، د لومړۍ نړيوالې جګړې په وخت کې د ارمنيانو په عامه وژنې تورنه شوې ده.
اردغان وويل، د امريکا د ولسي جرګې د بهرنيو اړيکو د کمېټې دغه فيصله به ترکيې ته زيان ونه رسوي، بلکې دوه اړخيزې اړيکې او ګټې به زيانمنې کړي.
د نوموړي په وينا ترکيه به بايلونکې نه وي.