په خوست کې ۵۷پروژې ګټې اخیستنې ته وسپارل شوی
د خوست ولايت په بېلابېلو برخوكې د ملي پيوستون اوه پنځوس پروژې بشپړې اوګټې اخيستنې ته وسپارل شوې.
د خوست د كليو د بيارغونې او پراختيا رييس انجنيرمحمد عمرارين ازادۍ راډيو ته وويل، چې د بيارغونې په دغو پروژو كې استنادي ديوالونه، د برېښنا د توليد دستګاوې، د څښاك پاكې اوبو،پلونه ، پل چكونه او داسې نورشامل دي.
انجنيرارين څرګنده كړه، چې په دغو پروژو د ملي پيوستون له خوا څه باندې څلويښت مليونه افغانۍ لګيدلي او كابو پنځه زره كورنۍ ورڅخه ګټه اخلي.
په خبركې ويل شوي، چې دا مهال د خوست ولايت په بېلابېلو ولسواليوكې د بيارغونې لسګونه نورې پروژې هم تركارلاندې دي او ډير ژر به ګټې اخيستنې ته وسپارل شي.