د جوزجان ولایت نه ۵۰ تنه بندیان خوشې شو
د ميلاد النبي د ورځې په مناسبت د ولسمشر په فرمان د جوزجان ولايت له زندان څخه نن پنځوس تنه بنديان خوشې شول.
د جوزجان د زندان مسوول عبدالله حبيبي ازادۍ راډيو ته وويل، چې په خوشې شوو بنديانوكې پنځه ښځې هم شاملې دي او دغو بنديانو واړه جرمونه درلودل.
په خبركې ويل شوي چې دا مهال د لسګونو ښځو په ګډون د جوزجان په زندان كې څه باندې څلورسوه تنه بنديان دي.