د کونړ په اسمار کې یو توغندۍ لګیدلی
د كونړ ولايت سيمه ايز چارواكي وايي، چې د دغه ولايت په اسمار ولسوالۍ كې د يو توغندي د لګيدلو له امله يو ماشوم وژل شوي او دوه ماشومان او يوه ښځه ټپيان شوي دي.
په سيمه كې د ازادۍ راډيو د خبريال د خبر له مخې د دغه ولسوالۍ اوسيدونكو د نړېوالو ځواكونو په عملياتو كې د ملكي خلكو د مرګ، ژوبلې د مخنيوي په خاطر لارېون هم كړى دى.
خو د پريوتي توغندي مسووليت لا تر اوسه چا په غاړه نه دى اخيستى.
د يو بل خبر له مخې د خوست ولايت امنيتي چارواكي وايي چې په دغه ولايت كې د ماين په دوو جلا چاودنو كې د يو اربكي او دوو پوليسو په ګډون درې كسه ټپيان شوي دي .