هیلري کلینټن مسکو ته ځي
د متحد ایالاتو د بهرنیو چارو وزیره هیلیري کلنټن په پام کې لري، چې د مارچ په اتلسمه او نوولسمه نیټه مسکو ته ولاړه شي.
تمه ده، چې میرمن کلنتن سفر د منځي ختیځ د سولې د بهیر او د ستراتیژیکو وسلو یا سټارټ د تړون پر موضوعاتو متمرکزې وي.
ویل کیږي، چې نوموړې به د یوه تړون په اړه چې د (سټارټ یو) پر ځای وي، د روسیې له ولسمشر دیمیتري میدویدیف سره خبرې وکړي.
د متحد ایالاتو د بهرنیو چارو وزارت وویل، چې د منځني ختیځ د سولې د بهیر په اړه به د ملګرو ملتونو له عمومي منشي بانکي مون،
د روسیې د بهرنیو چارو له وزیر سرګي لاوروف او د اروپایي اتحادیې د بهرنیو پالیسیو له مسولې کاټرین اشټن سره هم وغږیږي.