د بښنې سازمان : پر غزې د برید پر مهال اسرایلو جنګي جنایات ترسره کړي

دې سازمان دا جنګي جنایات بللي .د عفوې د نړېوال سازمان یوې څېړونکې، تېره ورځ په لندن کې، د خبرو پر مهال په دواړو خواوو انتقاد وکړ او ویې ویل:

((لاس ته راوړنې د اندېښنې وړدي. دواړو خواوو په جدي توګه له نړېوالو قوانینو او د ژېنيو له کنوانسیونونو څخه سرغړاوي کړي دي چې ځينې یې، جنګي جرمونه ګڼل کېږي.))

په غزې کې د وروستېو جګړو په اړوند د بشري حقونو د څارنې ډلې په خپل لومړني هراړخیز راپور کې، په اسرییلو غږ وکړ څو، ژمنه وکړي چې، د سپین فاسفورس لرونکو بمونو، توپخانو، او له نورو مبهمو وسلو څخه د خلکو په استوګن ځایونو کې کار و انه خلي.

د عفوې نړېوال سازمان همدا راز په غزې کې د حماس د وسله والې ډلې له مشرانو څخه وغوښتل چې، د اسراییلیانو پر ضد د توغندېو له توغولولاس واخلي، او داسې حملې یې هم جنګي جرایم وګڼل.

د غزې د روغتیایي مقاماتو او دعفوې د نړېوال سازمان د راپورونو پر اساس د درېو اوونېو پرلپسې نښتو په نتیجه کې لږترلږه یو زرو څلور سوه کسان چې له نهه سوه تنو څخه زیات یې ملکیان وو ووژل شول.

ملګري ملتونه هم په دې لانجه کې د دواړو خواوو، چلندڅېړي.