د لغمان ولایت ویاند سرحدي ځواک ازادۍ راډیو ته ویلي،چې تېر ماښام ناوخته د الینګار ولسوالۍ اړوند د منګو په سیمه کې د دولت وسله والو مخالفينو له خوا د یوه راکټي برید له امله شپاړلس تنو ته مرګ ژوبله اوښتې ده.
ځواک وايي دغه توغندی پر یوې کورنۍ لګيدلى، چې د همدې کورنۍ پینځه تنه وژل شوي او یوولس تنه نور ټپيان شوي دي.
نوموړی وايي په وژل شویو کې څلور تنه میرمنې او يو نارینه دی.
د دولت وسله والو مخالفينو ددې پيښې په اړه تر اوسه رسنیو ته څه نه دي ویلي.