د کابل ابتدایه محکمې د فرخندي په وژنه کې د تورنو کسانو له ډلې ۴ تنه په اعدام او ۸ نور يې په ۱۶ کاله تنفیذي بند محکوم کړل.
د کابل ښاري محکمې مشر صفي الله مجددي نن چهارشنبه د یادې محکمې د پایلو د اعلانولو پرمهال وویل چې د دې قضیې ۱۸ تنو ته د اسنادو او شواهدو د نشتوالي له امله برائت ورکړل شو.
نن چهار شنبه د کابل ښار د درېیمي ناحیې ښاري محکمې د فرخندې په وژنه کې د ۳۰ عادي تورنو کسانو په اړه حکم صادر کړ.
دغه محکمه به د ۱۹ تورنو کسانو چې پولیس هم په کې شامل دي؛ د راتلونکي یک شنبې په ورځ حکم صادر کړي.
همدارنګه د کابل ښاري محکمې رییس افغان امنیتي ځواکونو ته وویل چې د دغې پيښې پاتې درې تنه تورن کسان هم ونیسي.