د لاسرسۍ وړ لېنکونه

تازه خبر
جمعه ۱۰ وری ۱۴۰۳ کابل ۰۷:۵۳

ولسي جرګې د دفاع وزارت کاندیدمعصوم ستانکزي ته د باور رایه ورنه کړه


په داسې حال کې چې په هېواد کې د روانو ناامنیو په کمولو کې؛ د د فاع د وزیر موجودیت مهم ګڼل کیږي؛ خو د ولسي جرګې اکثرو غړو د خلکو او کارپوهانو د هیلو خلاف؛ د د فاع کاندید وزیر رد کړ.

د د فاع وزارت ته کاندید معصوم ستانکزي د شنبې په ورځ ولسي جرګې ته خپل پروګرامونه تشریح کړل او له هغې وروسته ورته؛ د رایو صندق کېښودل شول.

د رایو نتیجې وښوده چې ښاغلي ستانکزي د رایو پنځوس جمع یو پوره نه کړه او ونه توانید چې د افغانستان د د فاع وزیر شي.

د ولسي جرګې مشرعبدالرووف ابراهیمي د رایو نتایج اعلان کړل او له حکومته یې وغوښتل چې په لږه موده کې دې؛ دغه پست ته بل کس ور وپیژني:

((ښاغلی معصوم ستانکزی د څلوراتیا مثبتو رایو په خپلولو سره ونه توانید چې د جرګې د غړو بارو ترلاسه کړي.

له جمهور ريیس نه هیله ده چې په نږدې راتلونکې کې؛ د د فاع وزارت ته بل کس ور وپیژني.))

د شنبې په ورځ د ولسي جرګې نصاب دوه سوه د یارلس و او د جرګې له اصولو سره سم؛ د ښاغلي ستانکزی لپاره په کار و چې یو سلو اوه مثبتې رايې خپلې کړي.

معصوم ستانکزی پخوا تردې د سولې دعالي شورا د دارالانشاء د ريیس او د مخابراتو د وزیر په توګه، د ندې ترسره کړي او په دې وروستیو کې د جمهور ريیس غني له خوا د د فاع د وزیر په حیث کاندید و.

ستانکزی تېره اوونۍ د افغانستان بانک د کاندید رییس او د ستره محکمې د عالي شورا له دوه کاندیدو غړو سره یوځای؛ د جمهور رييس د دوهم مر ستیال له خوا ولسي جرګې ته ورپېژندل شوی و.

پخوا تردې د د فاع وزارت ته شیرمحمد کریمي کاندید شوی چې هغه هم له ولسي جرګې، د تایید لازمې رايې خپلې نه کړې.

د ولسي جرګې غړي د دفاع د وزارت کاندید ته د منفي رايو د ورکولو په اړه مختلف نظریات لري.

ځینې وايي، ستانکزی پوځي تخصص نه لري او د دې وزارت د سرپرست په توګه هم ونه توانید چې په وضعیت کې بدلون راولي.

خو ځینې وايي، له معصوم ستانکزي سره قومي اوسیاسي چلند وشو.

د جرګې غړي عبدالقادر ځاځي وویل:

((ښکاره خبره ده، د رد دلیل یې دا و چې نن سیاسي او قومي چلند وشو او پوهه مسلک او تخصص په کې په پام کې ونه نیول شو.))

د د فاع کاندید وزیر په داسې حال کې د ولسي جرګې له خوا ردیږي چې په دې وروستیو کې د هېواد په اکثرو سیمو کې؛ د امنیتي ځواکونو او مخالفینو ترمینځ نښتې روانې دي او د واړو لورو ته په کې ځاني زیانونه اوړي.

خلک په روانو شرایطو کې، د د فاع د وزیر نشتوالی د اندیښنې وړ بولي.

راپور: خان محمد سیند

XS
SM
MD
LG