د انتخاباتو خپلواک کمېسيون د تمې خلاف د چهارشنبې په ورځ د ولسمشرۍ د تېرو انتخاباتو ارقام اعلان کړل.
دغه کمېسيون يو نيم کال مخکې ويلي وو چې د هغو دويم ځلي انتخاباتو نتايج به نه اعلانوي.
د تازه اعلان شوېو ارقامو له مخې ولسمشر محمد اشرف غني څه باندې ٥٥ او عبدالله عبدالله څه باندې ٤٤ فيصده رايې ګټلې وې.
يو شمېر ټولنو او سياستوالو پر دې مسئله انتقاد کړى دى، په هغو کې د انتخاباتي شکايتونو د کمېسيون رئيس عبدالستار سعادت هم دى.
صالح محمد صالح د انتخاباتي شکايتونو کمېسيون له رئيس ښاغلي سعادت نه د مرکې په پيل کې پوښتنه وکړه چې د تېرو انتخاباتو ارقام ولې دومره په ځنډ اعلان شول او دى ولې ورباندې انتقاد لري؟
