د بې روزګارۍ سطحه لوړه شوې او پانګه وال خپله پانګه له هېواده بهر وباسي.
د اوباما بازار یو بل دکاندار شاه غاسي چې ۶ کاله يې په دې بازارکې کاروبار کړی دی، وايي د نړېوالو ځواکونو وتل او د انتخاباتو شخړې خلک اندیښمن کړي دي.
″کله چې امنیت ښه وي خلک پانګونه کوي.کله چې پانګونه وشي کار پیدا کېږي دا د زنځیر د کړۍ په شان ده که چې يې یوه کړی ټکان وخوري نورې هم ټکان خوري.″
اوباما بازارپه دریو لسیزوکې نور نومونه هم لرل. یو وخت ورته د بریژینیف بازار ویل کېده او بیا د بوش بازار په نامه یاد شو.