پرند، د مړزانو د غوښې تولیدوونکی لومړنی فارم
د پرند په نوم په افغانستان کې د حلالو الوتونکو د سپینو غوښو د تولید د فارم چارواکي له خلکو غواړي چې د کورنیو تولیداتو د پراختیا په خاطر دې له افغاني تولیداتو استفاده وکړي. د دې فارم مسوول "یما راستا" ازادي راډیو ته وویل؛ پرند په افغانستان کې د سپینو غوښو د تولید لومړنی فارم دی چې؛ د مړزانو غوښې بازار ته وړاندې کوي. ښاغلي راستا وویل چې، اوس وخت یواځې په کابل کې فعالیت کوي؛ خو په پام کې لري چې؛ په راتلونکې نورو ولایتونو ته هم د خپلو فعالیتونو او تولیداتو لمن پراخه کړي: