په بغلان کې د جنرال امین الله امرخیل په ملاتړ مظاهره وشوه
د بغلان سلګونو اوسیدونکو د دې ولایت د امنیه قومندان جنرال امین الله امرخیل په ملاتړ مظاهره وکړه. په سیمه کې د ازادي راډيو خبریال وایي، مظاهره له هغې وروسته وشوه چې خلکوته د امنیې قومندان د لیرې کولو خبر ور رسیدلی دی. مظاهره کوونکو ویل، که چېرې امین الله امرخیل بیرته د دغه ولایت د امنیه قومندان په توګه ونه ټاکل شي خپلو مظاهرو ته به ادامه ورکړي. مظاهره کوونکو د څوساعتونو لپاره د کابل ـ مزار شریف لارهم د ترافیکو پرمخ بنده کړې وه. خو د کورنیو چارو وزارت ویاند صدیق صدیقي بیا وایي چې د بغلان امنیې قومندان په خپله دنده بوخت دی او د لیرې کیدو خبرونه یې بې بنسټه دي.