ټاکل شوې ده چې د کابل په وخت د ماسپښین په یوه بجه د افغانستان او انګلیستان ټیمونه د کرکټ په نړیوال جام کې مخامخ شي.
افغانستان په روان نړیوال جام سیالیو کې، چې د هند په کوربه توب ترسره کېږي، لومړۍ دوې مسابقې پر بنګله دېش او هند بایللي خو انګلیستان په دوو مسابقو کې یوه بایللې او بله ګټلې ده.
پرون د هند لوبډلې پاکستان ته په ۷ ویکټونو او ۱۱۷ اضافي توپونو ماتې ورکړه.
د کرکټ د نړیوال جام سیالیو په دوام کې بله سیالي به نن د جنوبي افریقا او نیوزیلنډ ترمنځ وي.
دواړو ټیمونو خپلې تېرې دوې مسابقې په لوی توپیر له خپلو سیالانو ګټلي دي.