تر نولسو کلونو د کم عمره ځوانانو د نړیوال جام سیالیو په لړ کې افغانستان نن له نیوزیلینډ سره سیالي پیل کړې ده.
د دې لوبې پچه افغان لوبډلې وګټله او لومړی یې توپوهنه وکړه چې د ټولو لوبغاړو په سوځېدو سره یې په ۲۱.۳ اورونو کې ۹۱ منډې وکړې.
جمشېد ځدراڼ مخکښ منډه جوړونکی و چې ۲۲ منډې یې وکړې او عرب ګل مومند په ۱۰ منډو ناسوځېدلی پاتې شو.
د نیوزیلینډ د توپ اچونکو له ډلې مت راو ۵ افغان لوبغاړي وسوځول.
دا په روان نړیوال جام کې چې په سویلي افریقا کې پیل شوی دی د افغان لوبډلې دویمه سیالي ده. یادې لوبډلې په لومړۍ لوبه کې د پاکستان خلاف د ۱۸۳ منډو په توپیر ماتې خوړلې وه.