د افغانستان او ایرلینډ ترمنځ د یوازېنۍ ټېسټ لوبې په دویمه ورځ د مېلمه ایرلینډ د توپوهنې لومړۍ پاڼۍ هم بشپړه شوه.
یادې لوبډلې د ټولو لوبغاړو په سوځېدو سره ۲۶۳ منډې وکړې.
د ایرلینډ په توپوهونکو کې پاول سټرلینګ ۵۲، کرتي کمپر۴۹، لورکن ټکر ۴۶او انډي مکبراین ۳۸ منډې وکړې.
په افغان توپ اچونکو کې ضیاالرحمن اکبر ۵ لوبغاړي وسوځول.
دا لومړی ځل و چې ضیا اکبر د ټېسټ سیالیو په یوه پاڼۍ کې ۵ لوبغاړي وسوځول.
دغه راز چټک توپ اچونکي نوید ځدراڼ ۳، نجات مسعود او ظاهر خان بیا یوه ـ یوه وېکټ واخیسته.
افغانستان د دې ټېسټ سیالۍ د توپوهنې په لومړۍ پاڼۍ کې یوازې ۱۵۵ منډې کړې وې او په دې سره له ایرلینډ ۱۰۸ منډې شاته دي.
افغان لوبډله به نن یو وار بیا د خپلې توپوهنې دویمه پاڼۍ پيل کړي.