د فوټبال د نړیوال فدراسیون «فیفا» د نوې درجه بندۍ له مخې د افغانستان د فوټبال ملي لوبډله اوه مقامه پرمختګ کړی دی.
اوس افغان لوبډله د ۱۰۳۷ نومرو په لرلو سره په ۱۵۱ مقام کې ده.
په دې توګه د افغانستان د فوټبال ملي لوبډلې له لایبریا، مالدووا، ګیانا، سنګاپور، یوګانډا، یمن او هانګ کانګ څخه رامخکې شوې ده.
تر دې مخکې افغانستان د فیفا په درجه بندۍ کې ۱۵۸ ځای درلود.
د دې جدول په لومړي ځای کې ارجنټاین او فرانسه په دویم ځای کې ده.