د پوځي چارو یو شمېر کتوونکي وایي، د نوي جنګي فصل په جګړه کې د اتو جنګي الوتکو شاملول ګټور دي، خو نړېوالې ټولنې ته په کار ده چې د افغان هوایي ځواک په برخه کې ټولې ژمنې عملي کړي.
پوځي کارپوه زلمي وردګ ازادي راډيو ته وویل، نړېواله ټولنه د یو شمېر ملحوظاتو له امله نه غواړي چې ژر افغان هوایي ځواکونه په خپلو پښو ودروي.
دا په داسې حال کې ده چې د هوایي ځواکونو عمومي قومندان د پنجشنبې په ورځ وویل چې په راتلونکي حمل کې به اته (A 29)ډوله جنګي الوتکې جګړې ته داخلې شي.
په همدې اړه زموږ همکار قسیم سوله مل له زلمي وردګ سره مرکه کړې او په سر کې ترې پوښتلي چې د دغو اتو جنګي الوتکو فعالیت به څومره د جګړې په لیکو کې موئثر تمام شي.
